بيف استروجانوف

بطريقة الشيف أيمن العطار .. روووووووعة 

المكونات

======
نصف كيلو لحم بتلو او فيليه بقرى مقطع نصف شرائح رفيعه
3 فلفل الوان مقطع جوليان يعنى نفس تقطيعه اللحمه
1 بصله جوليان بردوه نفس التقطيعه
2 فص ثوم مفروم
1 عود كرفس مفروم
نصف كوب صغير مشروم فريش او كمبوت
1 معلقه صلصه معجون
1 معلقه بابريكا بودره كبيره ده مهم جدا على فكره
ملح وفلفل اسود وكزبره ناشفه
مايه
1 معلقه دقيق كبيره
مكعب ماجى
نصف فنجان كريمه لبانى

الطريقه
=====
فى حله على النار فيها شويه زيت بسيطه بنزل بالبصل وبلفه كويس اوى سوتيه لحد مالونه يميل للون البنى هنزل عليه باثوم ثم الكرفس والمشروم واللحمه لحد مالون اللحمه يميل للبنى مع البصل هنزل عليهم بالبابريكا والصلصه المعجون مع التقليب كويس جدا وتكون النار حاميه هحط المايه وهنا هلاقى لون اللحمه بقى بنى مع الصوص هسيب اللحمه تستوى مع الصوص واول متستوى معايا هاخد شويه صوص منها وهحط عليه معلقه الدقيق وهقلبهم كويس اوى وهضيفهم على الحله عشان القوام يتماسك وبعدين هضيف الفلفل الالوان والكريمه والملح والفلفل الاسود والكزبره والماجى ممكن اقدمه مع بطاطس بوريه او ارز ابيض او مكرونه وبالهنا والشفا

دى الوصفة الأصلية من الشيف أيمن

أنا بس عشان مش بحب استخدم ماجى فبدلت كمية الماء ومكعب ماجى بكوبين شوربة دجاج واتبعت باقى الخطوات والمكونات بالظبط بجد هايلة هايلة

قدمتها مع بطاطس مهروسة وسلطة :)