كريم كراميل

المكونات
=======

كيلو لبن
8 بيضات
سكر حسب الرغبه
1 معلقه فانيليا
 
 الكراميل
*********
  1 كوب سكر
 

 الطريقة:

======
هنجهز الكراميل بوضع السكر ع النار فى طاسه مع التقليب المستمر بمعلقه خشب لحد مالونه يميل للذهبى ويكرمل معاكى هترفعيه من ع النار ونبتدى نصبه فى قوالب تقديم الكريم كراميل لحد مانجهز الكريم بتاعنا هنجيب بسيمه كبيره او حله ونحط فيها البيض ونضربه كويس اوى مع الفانيليا وبعدين نضيف اللبن المتحلى بالسكر مع التقليب كويس جدا بمضرب سلك وبعدين لازم نصفى الخليط ده كله بمصفاه ناعمه وبعد كده هنصب الكريم على الكراميل فى قوالب التقديم وبعدين التسويه هتكون فى حمام مائى هنجيب صينيه كبيره وفيها مايه ونحط قوالب الكريم كراميل فيها وندخلها الفرن على درجه حراره 200 لمده 25 دقيقه مع المتابعه لحد مايستوى معانا الكريم كراميل هنحطه فى الثلاجه وقبل التقديم نقلبه ونقدمه فى طبق شيك وبالهنا والشفا