شاورما الدجاج

المكونات

=======
1 كيلو فراخ فيليه مقطعه ايمانسيه او جوليان
التتبيله ودى محتاجه ورقه وقلم عشان مش عايزكم تنسوا اى حاجه منها
عصير 2 بصله كبيره
نصف فنجان خل
1 معلقه زر ورد
1 جوز الطيب مبشوره
5 حبه حبهان
5 ورقه لوره
1 معلقه زعتر
1 معلقه كمون
1 معلقه قرنفل
1 معلقه قرفه
1 معلقه كارى بودره
1 معلقه كركم
1 طماطم
ملح وفلفل اسود
1 فلفل رومى
2 علبه زبادى
1 معلقه دبس رمان
1 معلقه مسطرده
نصف فنجان زيت
1 معلقه بردقوش 

الطريقه 

=======
هتضربى كل مكونات التتبيله دى فى الخلاط وعايزك تنعميها جدا وبعد كده هتبلى الفراخ وهى متقطعه يعنى هتحطى كل التتبيله دى على الفراخ ووتسبيها مش اقل من 4 ساعات ولو هتبات فى التتبيله يبقى احسن وبعدين بسويها فى طاسه او على الجريله وبحط معاها طماطم مكعبات وبقدونس مفروم فقط لاغير ولو سندوتشات حطى الثوميه او سلطه طحينه وبالهنا والشفا